ಹೃದಯ

ಆ ಪುಟ್ಟ ಮನೆ-
ಯ ಒಳ ಹೊಕ್ಕರೆ ಅದೆಷ್ಟು
ಕೋಣೆಗಳು.....

ಬಾಗಿಲೇ ಇಲ್ಲದ
ಕೆಲವು...ಯಾರಾದರೂ
ಬ೦ದು ಕುಣಿದು ಕೂಗಾಡಿ
ಕಾಲ ಕಳೆವ೦ತಹವು

ಮತ್ತೆ ಕೆಲವು ಬಾಗಿಲಿದ್ದೂ
ಬೀಗ ಇಲ್ಲದ
ಅಗಳಿ ಹಾಕಲು ಕೋಣೆಯಾಗಿ
ತೆಗೆದಾಗ ಏನೂ ಕಾಣದವು

ಅಲ್ಲಷ್ಟು ಕೋಣೆಗಳು
ಎಲ್ಲಕ್ಕೂ ಬೀಗ ಉ೦ಟು ಎರಡು
ಕೀಲಿ ಕೈ ಕೂಡ! ಮಾಲಿಕನ ಬಳಿ
ಒ೦ದು ಆ ಇನ್ನೊಬ್ಬರ ಬಳಿ ಒ೦ದು
ಜೋಪಾನ ಮಾಡುತ್ತಲೇ ಅದು ತಮ್ಮದೆ೦ದು

ಇದನೆಲ್ಲಾ
ದಾಟಿದ ಮೇಲೆ ಅದೋ ಆ
ಒ೦ದು ಕೋಣೆ.ಪ್ರವೇಶವಿಲ್ಲ
ಯಾರಿಗೂ...ಗಾಳಿಗೂ!
ಆ ಮಾಲಿಕನೊಬ್ಬನ ಸಾಮ್ರಾಜ್ಯ
ತನ್ನೊಡನೆಯೇ ಪ್ರೀತಿ ತನ್ನೊಡನೆಯೇ ವ್ಯಾಜ್ಯ.

ಏನು ಕೇಳಿದಿರಿ?
'ಮನೆಗೆ ಹೆಸರಿದೆಯಾ?'
ಇದೆಯಲ್ಲ! ನಿಮ್ಮ ನನ್ನ ಎಲ್ಲರ
ಮನೆಗೂ ಅದೇ ಹೆಸರು -'ಹೃದಯ'.