ಫೇಸ್‍ಬುಕ್‍ನಲ್ಲಿ:

ಭಾವನೆಗಳಿಗೆ ಬಣ್ಣ ತು೦ಬಿ
ಬರೆಯುವರಿದ್ದಾರೆ.
ಚಿತ್ರಗಳಿಗೆ ಜೀವ ತು೦ಬುವ
ಗೆರೆ ಎಳೆಯುವವರಿದ್ದಾರೆ.

ತಿಳಿಹಾಸ್ಯದ ಮಾತುಗಳಿ೦ದ ನೋವ
ಮರೆಸುವರಿದ್ದಾರೆ.
ದಿನಕ್ಕೊ೦ದು ರೀತಿ ತಮ್ಮನ್ನೇ
ಮೆರೆಸುವರಿದ್ದಾರೆ.

ವಿಷಯವೇ ಇಲ್ಲದೇ ಸುಮ್ಮನೆ
ಕೊರೆಯುವವರಿದ್ದಾರೆ.
ಯಾರು ಏನಾದರೂ ತಿಳಿಯಲಿ
ಖರೆ ನುಡಿಯುವವರಿದ್ದಾರೆ.

ಓದಿದ ಬರಹಗಳಿಗೆ
ಮರೆಯದೇ ಸ್ಪ೦ದಿಸುವವರಿದ್ದಾರೆ.
ಓದಿದರೋ ಇಲ್ಲವೋ ತಿಳಿಯದ೦ತೆ
ಮರೆಯಲ್ಲಿರುವವರೂ ಇದ್ದಾರೆ.

ಯಾವುದೋ ಪ್ರೊಫೈ‍ಲ್‍ಗಳಲ್ಲಿ
ಬೇರೆ ಯಾರೋ ಇರುತ್ತಾರೆ.
ಸುಮ್ಮನೆ ಕಿರಿಕಿರಿ ಮಾಡುವ ಇವರು
ಮೋರೆ ಯಾರದೋ ತೋರುತ್ತಾರೆ.