ಗೋಡೆಯಲೊಂದು ಗೂಡಿತ್ತು
ಗೂಡಿನಲ್ಲೊಂದು ಗಡಿಯಾರ||
ಅದರೊಳಗೆ ದೊಡ್ಡ ಮುಳ್ಳಿತ್ತು
ಜೊತೆಗೆ ಇನ್ನೊಂದು ಕುಳ್ಳಿತ್ತು|
ಅಪ್ಪುತಿದ್ದವು ಪ್ರತಿ ಗಂಟೆಗೊಮ್ಮೆ
ಎರಡಕ್ಕೂ ಇತ್ತು ಇದುವೇ ಹೆಮ್ಮೆ||
ಇವುಗಳೆರಡಕೂ ಸೇರಿಯೇ ತಾಗಿ
ಓಡುತಿದೆ ಮತ್ತೊಂದು ನಿಲ್ಲದೆ ಸಾಗಿ|
ನಿಮಿಷಕ್ಕೆ ಅದರದು ಅರವತ್ತು
ನಿಯತ ಚಲನೆಯ ಕಸರತ್ತು||
ಇದರ ನಡಿಗೆ ತುಸು ಕೆಟ್ಟರೂ ಆಗ
ಮುಳ್ಳುಗಳಿಗೆ ಬದಲಾಗುವ ವೇಗ|
ಪರಿಣತ ವೈದ್ಯ ಬರಬೇಕು ಬೇಗ
ಗುಣಪಡಿಸಲು ಗಡಿಯಾರದ ರೋಗ||
- ತಲಕಾಡು ಶ್ರೀನಿಧಿ
No comments:
Post a Comment