#ಮೀನರಾಶಿ

ನದಿ ಸಾಗರಗಳೊಳಗಿನ ಮೀನುಗಳು
ಕೂಪಮಂಡೂಕಗಳಲ್ಲ
ಏಕೆಂದರೆ ಅವುಗಳಿಗೆ ನೀರೊಳಗೇ
ಇದೆ ಹೊರಗಿಗಿಂತ ಬೃಹತ್ ಸಾಮ್ರಾಜ್ಯ|

ನೀರಲಿಳಿದರೆ ಕಚಗುಳಿಯಿಡುವವೂ ಇವೆ
ನಮ್ಮನ್ನೇ ಗುಳುಮ್ಮನೆ ನುಂಗುವವೂ ಇವೆ|

ಬಲೆಗೆ ಸಿಕ್ಕು ವಿಲವಿಲನೆ ಆಡಿ
ಕೊನೆಯುಸಿರು ಎಳೆದ ನತದೃಷ್ಟದವು
ಮಾತ್ರ ಮಲಗಿವೆ ಇಲ್ಲಿ
ಈ ಮೀನಲೋಚನೆಯರ ಎದುರಲ್ಲಿ|

'ಮೀನ' ರಾಶಿಯವರ ಮುಂದಿದೆ ಈ ಮೀನರಾಶಿ
ಅವರ ಹಸಿವಿಂಗಿಸುವ ಸಾಧನಗಳಾಗಿ
ಕಾಸಿತ್ತು ಕೊಳ್ಳುವವರ ಭೋಜನವಾಗಿ
ಮೂಗು ಮುಚ್ಚಿ ಹೋಗುವವರ ದು:ಸ್ವಪ್ನವಾಗಿ||