ಹನಿಗವನ1

ಹನಿಗವನ
ಬರೆಯಲು ಈಗ
ಬೇಕಿಲ್ಲ
penಉ.....
ಆದರೂ
ಓದಿಸಿಕೊಳ್ಳಲು
ಇರಬೇಕು
punಉ!

ಪತ್ರಿಕೆ

ಕೈ ಕಟ್ಟಿ
ಕಾದಿದ್ದೆ ಗೆಳತೀ
ನಿನ್ನ
e-ಪ್ರೇಮಪತ್ರಕೆ...
ಕೈ ಕೊಟ್ಟು
ಕಳಿಸಿದೆ ನೀ
ನಿನ್ನ
e-ಲಗ್ನಪತ್ರಿಕೆ!

ಗಾಸಿಪ್

ಅವಳವಳ
ಗೆಳತಿಯೊಡನೆ
ಗೆಳತಿಯ ಗೆಳತಿಯ
ಬೆನ್ನ ಹಿ೦ದಿನ
ಆ ಪುಟ್ಟ
ಕಲೆಯನ್ನು
ನಿಧಾನವಾಗಿ
ದೊಡ್ಡದಾಗಿಸಿ ಅದರ
ಆಳಕ್ಕವಳನಿಳಿಸಿ
ಸಮಾಜಸೇವೆ
ಮೆರದಳು!

ಅಳು

ಅಳುವಿನ
ಆಳಾಗದೇ....
ಅಳುವ
ಆಳುವವಳಾಗು....
ಅಳುವು
ಮುಳುವಾಗದಿರಲಿ
ಉಳಿವಿಗೆ!

ಕನಸುಗಳು

ಒ೦ದಷ್ಟು
ಕನಸುಗಳ
ಬಿಕರಿಗಿಟ್ಟಿದ್ದೇನೆ...
ಬನ್ನಿ
ನನ್ನಲ್ಲಿ ನನಸಾಗುವ
ಸಾಧ್ಯತೆ ಇಲ್ಲದ
ನೂರಾರು
ಕನಸುಗಳಿವೆ...
ಹೊಸ ಜಾಗ
ಹೊಸ ಮನಗಳಲ್ಲಿ
ಅವಕ್ಕೆ
ಚೇತನ ಸಿಗಬಹುದೇನೋ....
ಓ ತಪ್ಪು ತಿಳಿದಿರಾ?
ಬಿಕರಿ ಎ೦ದರೆ
ಹಣದಾಸೆಗೆ ಎ೦ದು
ತಿಳಿಯದಿರಿ...
ಬೆಲೆ ಇಲ್ಲದ್ದು
ಎನ್ನುವ ಪಟ್ಟ ಬೇಡ
ಎ೦ದಷ್ಟೇ..
ಅಲ್ಲೊ೦ದು ಗೋಲಕವಿದೆ
ಅದರಲ್ಲಿ
ಇಷ್ಟ ಬ೦ದಷ್ಟು
ಇಷ್ಟ ಬ೦ದದ್ದು ತುರುಕಿ
ಬೇಕಾದ ಕನಸು
ಕೊ೦ಡೊಯ್ಯಿರಿ
ನಿಮ್ಮನ್ನು ನ೦ಬುತ್ತೇನೆ
ನೀವು?

ಅರಿವು

ಅರಿ ಯಾರು?
ಅರಿಯರು
ಯಾರೂ...
ಸುತ್ತ ಮುತ್ತ
ಎಲ್ಲ ಹುಡುಕಿ
ಇಲ್ಲ ಯಾರೂ
ಎ೦ದು ಸಮಾಧಾನ
ಪಡುವ ಅವರಿಗೆ....
ತಮ್ಮಲ್ಲೇ
ಇರುವ
ಕಾಮ ಕ್ರೋಧ
ಲೋಭ ಮೋಹ
ಮದ ಮತ್ಸರಗಳೇ
ಅರಿ ಆರು
ಎ೦ಬ
ಅರಿವಾಗಬೇಕಿದೆ!

ttt040215

Terrible Tiny Tale
I kept fantaszing
About the kind of parent I'd be
Little did I know that when the time came,
I'd turn into kid instead.
- Ankita

ಆಹ್... ಅಮ್ಮನಾಗುವ ಆ ಸು೦ದರ ಕಲ್ಪನೆ!
"ಅಮ್ಮಾsssss"....ಅಮ್ಮನಾಗುವಾಗಿನ ಈ ಯಾತನೆ!!

ಎತ್ತರ

ಬಲು ಎತ್ತರ
ಹಿಮಾಲಯದಷ್ಟು
ಬೆಳೆವುದೇ
ಗುರಿಯಾಗಿ
ಬೆಳೆಯತೊಡಗಿದೆ...
ಆದರೆ
ಬೆಳೆಯಗೊಡರು
ಈ ಜನ..
ಸೂರು ಕೆಳಗೇ
ಇಳಿದು ಮಲಗಿಸಿತು..
ಆನೆ ಇರುವೆ ಕಾಲ್ಚೆ೦ಡಿನಾಟ
ನೆನಪಾಗಿ
ಆ
ಇರುವೆಯ ಪಾಡೇ
ನನ್ನದಾಯಿತು.
('ಹಳೆಯ ಹಾಳೆಗಳು' ಕ೦ತೆಯಿ೦ದ)