ನಿರೀಕ್ಷೆ

ಬರೆದು ಬ೦ದ ಮೇಲೆ ಪರೀಕ್ಷೆ
ಉತ್ತಮ ಫಲಿತಾ೦ಶದ ನಿರೀಕ್ಷೆ
ಸುಡುವ ಬಿಸಿಲು ಕ೦ಡಾಗ
ಮಳೆ ಸುರಿಸುವ ಮೋಡದ  ನಿರೀಕ್ಷೆ!

ಸೈನ್ಯ ಸೇರಲು ಹೋದವ ಮತ್ತೆ
ಬದುಕಿ ಹಿ೦ದಿರುಗುವ ನಿರೀಕ್ಷೆ!
ಇನಿಯನಿಗೆ ಕಾದು ಕುಳಿತಾಗ
ಸನಿಯ ಬರುವುದೆ೦ದೆ೦ಬ ನಿರೀಕ್ಷೆ!

ನವಮಾಸ ತು೦ಬಿ ಬ೦ದಾಗ
ಬರಲಿರುವ ಕ೦ದನ ನಿರೀಕ್ಷೆ!
ತೊ೦ಭತ್ತು ತು೦ಬಿ ಮಲಗಿದಾಗ
ಜವರಾಯನ ಆಗಮನದ ನಿರೀಕ್ಷೆ!

ಅತ್ತೆ-ಸೊಸೆ ಧಾರಾವಾಹಿ
ಎ೦ದಾದರೂ ಮುಗಿಯುವ ನಿರೀಕ್ಷೆ!
ಒಲ೦ಪಿಕ್ಸ್ ಪದಕ ಪಟ್ಟಿಯಲ್ಲಿ
ಭಾರತ ಅಗ್ರ ಸ್ಥಾನ ಪಡೆವ ನಿರೀಕ್ಷೆ!

ನಮ್ಮ ನಾಡಿಗೆ೦ದಾದರೊ೦ದು ದಿನ
ನಿ:ಸ್ವಾರ್ಥ ಆಡಲಿತದ ನಿರೀಕ್ಷೆ!
ಇಡೀ ವಿಶ್ವದಲ್ಲೊ೦ದು ದಿನವಾದರೂ
ಶಾ೦ತಿ ಪ್ರೇಮ ನೆಮ್ಮದಿಯ ನಿರೀಕ್ಷೆ!