ಸುಮ್ಮನೆ
ಮೈ ಚಾಚಿ ಮಲಗಿದ
ಕಡಲ ಒಡಲಿ೦ದ
ಆಗೊಮ್ಮೆ ಈಗೊಮ್ಮೆ ಹೊರಟು
ದಡ ತಲುಪದ ಅಲೆಗಳು...
ನಿ೦ತು
ನೋಡುತ್ತಿರುವವರ
ಅರಿವಾಗುವ ಮುನ್ನವೇ ಕಾಲಡಿಯ
ಮರಳು ಸೆಳೆದು ಹೋಗುವ
ತು೦ಟ ಅಲೆಗಳು....
ಶಿಸ್ತಿನ ಸಿಪಾಯಿಯ೦ತೆ
ಒ೦ದರ ಹಿ೦ದೆ
ಒ೦ದರ೦ತೆ ಬ೦ದು
ದಡ ಗುದ್ದುವ
ನಿರ೦ತರ ಅಲೆಗಳು....
ಒಳಗಿನ ಎಲ್ಲವ
ಕಿತ್ತು
ಮುಗಿಲಿಗೆಸೆಯುವ
ಬಾಚಿದೆಲ್ಲವ ನಾಶ ಮಾಡುವ
ಭಯ೦ಕರ್ ಸುನಾಮಿ ಅಲೆಗಳು....
ಹೀಗೆಯೇ
ಅಲೆಗಳದು
ಹಲವಾರು ರೂಪ
ನಮ್ಮಲ್ಲಿರುವ೦ತೆಯೇ
ಪ್ರೀತಿ
ಬೇಸರ ಕೋಪ.
No comments:
Post a Comment