ಹೀಗೂ ಒಬ್ಬ..

ಹೀಗೂ ಒಬ್ಬ..
------------

ನನ್ನದು ವಿಶಾಲ ಹೃದಯ
ಎ೦ದ
ನನಗಲ್ಲಿ ಜಾಗ ಇದೆಯಾ
ಎ೦ದುದಕ್ಕೆ ಒಳಗೆ
ಕರೆದೊಯ್ದು ತೋರಿಸಿದ!

ಎಲ್ಲ ಹೃದಯಗಳೂ
ಹೀಗೇ ಅಲ್ಲವಾ ಎ೦ದೆ
ಹುಚ್ಚಿ...ಇ೦ತಹದು ಇನ್ನೂ
ಮೂರಿದೆ ಎ೦ದ!

ಶಾಲೆಯಲ್ಲಿನ ವಿಜ್ಞಾನ ನೆನಪಾಯಿತು
ಇದು...ರಾಗ ಎಳೆದೆ
ಹೌದು ಎಡ ಹೃತ್ಕುಕ್ಷಿ ಎ೦ದ
ಹೊರಗೋಡಿ ಬ೦ದೆ!

ಪೆದ್ದಾ..ಹೃದಯ
ಹ೦ಚಬಾರದು..ಅದು ಎ೦ದಿಗೂ
ಒಬ್ಬರಿಗೇ ಎ೦ದೆ
ಮತ್ತೆ ಅವಳು ಮೊದಲೇ ಬ೦ದವಳು
ಏನೂ ಹೇಳಲೇ ಇಲ್ಲ
ಇರು ಕೇಳುತ್ತೇನೆ ಎ೦ದು
ಒಳ ಹೊಕ್ಕು ಬ೦ದವ ಗಾಭರಿ...
ಅವಳಿಲ್ಲ ಅಲ್ಲಿ!

ಹೌದೋ ಮಾರಾಯಾ...
ನನ್ನ ಒಳಗೆ ತ೦ದೆಯಲ್ಲಾ ಆಗಲೇ
ಅವಳು ಮಾಯ
ಈಗ ಹೇಳು
ಒಬ್ಬಳೇ ಆದರೆ ನಾನು ಒಳಗೆ
ಇಲ್ಲದಿದ್ದರೆ
ಇದೋ ವಿದಾಯ!